Abi ko’g basta DRIVER, SWEET LOVER?
Posted on October 30, 2009 by admin in Bisaya, Text-only, True Stories | 6 Comments
PRE-LAUNCH ENTRY #1: Abi ko’g basta DRIVER, SWEET LOVER?
Sa usa ka GT Express (Garage-to-Terminal Express; V-Hire or Vehicle for Hire kaniadto) niadtong usa ka adlaw.
Drayber: O! Ali namo! Duha nalang kulang para manglarga na ta!
Duna’y manag-uyab nga nagdulong ug ningtan-aw sila ug aduna pa ba’y bakante sa GT Express.
Manag-uyab: Nong, naa pa’y bakante?
Drayber: Sakto kaayo! Naa pa’y duha, pero buwag…
Ug sa dihang naguba ang nawong sa manag-uyab.
Manag-uyab: Ay dili ‘sa lang mi manakay.
Drayber (pina-hong-hong pero nadunggan sa TAPAKing): Ay kap*sti nalang g’yud aning manag-uyab, dili g’yud magpabuwag bisa’g kad’yot lang.
Ug sa dihang gihangyo sa drayber ang usa ka pasahero nga mobalhin sa luyo para makalingkod ang manag-uyab. Maayo kay nisugot pod. (Nihit ang mga pasahero atong adlawa kay wala na’y klase ang mga estudyante).
Gipasakay sa drayber ang manag-uyab.
Nangolekta na sa mga plete ang drayber.
Ug, gibundak sa drayber ang purtahan!
Pagsakay na sa drayber sa iyang puwesto, padayon gihapon siya sa iyang pagbagolbol, ug sa pagsira niya sa iyang purtahan, pinabundak gihapon! Ug sa dihang gitamakan na niya ang gasolina, mabati g’yud nimo iyang kalagot, mura mi ug naglupad!
TAPA!
Naa ba’y angayang basolon?
Angayan ba nga basolon ang manag-uyab kay dili sila magpabuwag bisan sa pipila ka minuto lamang?
Angayan ba nga basolon ang drayber sa iyang pagpamalikas ug sa iyang pagkasapoton?
waahahahaa. ahaka. gib chans nlang. XD
ganahan ko ani da. very interactive.
walay mabasol apan na sobrahan ra sad ang manag-uyab. sa tan-aw nako bag-o pa sila kay ganahan pa jd magpilit.
ang drayber pud pwede ra unta muhilom ug dili na maglagot kay wala ra pud biya siya nawagtangan ug pasehero.
abiba ko sa masinabtanon nga pasahero nga nibalhin sa luyo. mapahiubsanon ug matahom (taka lang!)
basta mao to…
LOL. Pwede ra man sad iblame ang manag-uyab… ahaha! pwede ra sad ang driver!
wahehehehe! Mgpa-TAPA jud ko pra mabutang ko dri…LOL!
Dili angayan nga mo-drive ang driver nga sapoton.
sobrang cheesy rapod ang manag uyab ay! hehehe…. pero pareha ang both sides na angay i blame…. si driver dli dapat sapoton kay siya ang nanginahanglan pasahero..ang couple dli pod dapat mamili kay dli private car ila gisakayan…hehe…mao rato ako TAPA KING! BOW!